كلمة اهلاوية

الف مبروك للنجم الساحلى فوزه ببطولة افريقيا ومبروك لكل التوانسة الاشقاء

وبقول لنجومنا نجوم الاهلى هارد لك واحنا مش زعلانين منكم لانكم عملتوا اللى عليكوا لكن الحظ عاندكم المرة ده

وكمان الحكام فى المبارايتين ربنا يسامحهم الاول محسبش ضربة جزاء لبركات واضحة للاعمى ولم يكتفى بذلك لكنه ايضا منحه كارتا حرمه من المشاركة فى المباراة الثانية والحكم التانى بردو محسبش ضربة جزاء واضحة جدا لاحمد شديد قناوى وعلى العموم انا مش بعلق الهزيمة على شماعة التحكيم


ومرة تانية شكرا لنجوم الاهلى على المجهود اللى بذلوه واحنا مقدرين ظروفكم كويس وعارفين الارهاق والاجهاد اللى فيكم وان شاء الله تعوضونا بالبطولات الجاية وهارد لك يا ابطال


وبالنسبة للزملكاوية الشمتانين اقولهم احنا خسرنا بعد ما وصلنا للنهائى للمرة التالتة على التوالى لكن انتو يا حسرتاه خرجتوا من دور ال32 لا وايه لعبتوا دور ال64 وياريت تخلوكوا فى حالكم وشوفوا فريقكم الاول

لكن الزملكاوية المحترمين الوطنين اللى زعلوا ان الاهلى خسر زى باقى الشعب اقولهم شكرا على مساندتكم وان شاء الله الاهلى هيفرحكو قريب ببطولة افريقية ومعلش زعلناكم

ومرة تانية مبروك للنجم الساحلى وجماهيره واتمنى تشرفوا افريقيا والعرب فى مونديال اليابان

والاهلى مش بيلاعب نفسه علشان يكسب كل بطولة يلعب فيها ولكل جواد كبوة واحنا واثقين ان الاهلى هيقوم على طول لانه فريق كبير وتحياتى لكل نجوم الاهلى الشياطين الحمر الابطال

شكرا يا شمس على مرورك وردك الجميل ده وشكرا على الوردا الحمرا هههههههه وياريت بقاى الزملكاوية فى المنتدى يتعلموا وهما عارفين نفسهم

للمرة التانية اهو يا بيشو بسالك مين ده اللى بيقول الكلام ده وبيقول ايه؟؟؟

وعلى فكرة هو اينعم فيه اهلاوية مش بيحبوا الزمالك زى ما بردو فيه زملكاوية مش بيحبوا الاهلى ولكنهم قلة من الجهتين

فاهمنى ؟؟ ومستنى ردك وعايز اعرف الكلام الوحش اللى بيقوله ده